Улаанбаатар
БУЛГАН: Аймгийн Засаг дарга урлаг, спортын наадмуудад амжилт гаргасан ахмадуудаа хүлээн авч уулзлаа
ОРОН НУТГИЙН МЭДЭЭ | БУЛГАН
Булган, 2024 оны есдүгээр сарын 20 /МОНЦАМЭ/. Булган
аймгийн 16 сум, 1 тосгонд нийт 11000 гаруй ахмад оршин суудаг бөгөөд
Засаг дарга Б.Ариун-Эрдэнэ урлаг, спортын наадмуудад амжилт гаргасан ахмадуудаа
хүлээн авч уулзлаа.
Орон нутгийнхаа нэрийг өндөрт өргөж, урлаг спортоор хичээллэж яваа ахмадуудын гаргасан амжилтаас дурдвал:
- ”ЖИМНАЕСТРАДА-2024” Нийтийн гимнастикийн 6 дахь удаагийн Ази тивийн наадмын Шугаман бүжгийн төрөлд Булган аймгаас 4 ахмад оролцож алтан медаль,
- Ахмад мастеруудын VII тэмцээнээс алт 1 алт, 3 мөнгө, 1 хүрэл,
- Монголын Хөнгөн атлетикийн мастеруудын улсын аварга шалгаруулах тэмцээнээс 15 медаль, 4 алт, 9 мөнгө, 3 хүрэл,
- Ахмад мастеруудын "Говь мастерс-2024" улсын аварга шалгаруулах нээлттэй тэмцээнээс 11 медаль, 2 алт, 5 мөнгө, 5 хүрэл медаль тус тус хүртжээ.
Аймгийн удирдлагууд аймаг орон нутгийнхаа нэрийг өндөрт өргөж яваа ахмадууддаа эрүүл энх, урт удаан наслахын ерөөл хүслээ.
