Улаанбаатар
БУЛГАН: Булган суманд 280 хүүхдийн багтаамжтай цэцэрлэгийг ашиглалтад орууллаа
ОРОН НУТГИЙН МЭДЭЭ | БУЛГАН
Булган, 2024 оны аравдугаар сарын 14 /МОНЦАМЭ/. Булган
аймгийн Булган суманд 280 хүүхдийн багтаамжтай 4-р цэцэрлэгийн шинэ байр ашиглалтад орсноор энэ
сарын 7-ноос хүүхдүүдээ авч, хичээл сургалтын үйл ажиллагаа жигдэрлээ.
Аймгийн хэмжээнд 2023-2024 оны хичээлийн жилд сургуулийн өмнөх боловсролын 22 ердийн цэцэрлэг үйл ажиллагаа явуулж байгаагаас аймгийн төвд 6, суманд 15, багт 1 байна. Тус цэцэрлэгүүд нийт 259 багштай, үүнээс үндсэн 139, туслах 120 багш ажиллаж байна.
Сургуулийн өмнөх боловсролд 151 бүлэгт 3883 хүүхэд, хувилбарт сургалтаар 32 бүлэгт 660 хүүхэд хамрагдаж байна. 3883 суралцагчаас аймгийн төвд 928, сумын төвд 2722, багт 233 байна.
Сургуулийн өмнөх боловсролд хамрагдсан хүүхдүүдийн 1825 нь эмэгтэй, 2058 нь эрэгтэй бөгөөд үүнээс хагас өнчин 13, малчны хүүхэд 1380 халамж эдэлдэг хүүхэд 61, хөгжлийн бэрхшээлтэй 23 байгаа юм.
Холбоотой мэдээ
