Улаанбаатар
СЭЛЭНГЭ: Өвс, тэжээлийн аюулгүйн нөөцөд 841 тн өвс, 530 тн тэжээл бэлтгэжээ
ОРОН НУТГИЙН МЭДЭЭ | СЭЛЭНГЭ
Сүхбаатар,
2024 оны аравнэгдүгээр сарын 2 /МОНЦАМЭ/. 2024-2025 оны өвөл, хавар аймгийн хэмжээнд 10323 малчин, мал бүхий өрх,
71 аж ахуйн нэгжид 1.7 сая толгой мал
өвөлжихөөр бэлтгэл бэлэн байдлыг хангаад байна.
Аймгийн хэмжээнд малчдын түвшинд 184.2 мянган тн байгалийн хадлан, 940
тн сүрэл, 7806 тн ногоон тэжээл, 25.8 мянган тн үйлдвэрийн тэжээл, 117 тн гар
тэжээл, 3717 тн давс, хужир шүү, 2214 тн дарш ногооны хаягдлыг тус тус бэлтгэж,
хадлан тэжээл бэлтгэл 102.4 хувьтай байна.
Бизнесийн зориулалтаар 8529 тн буюу 341.1 мянган боодол байгалийн
хадлан, 670 тн ногоон тэжээл бэлтгэжээ.
Үүнээс 537 тн буюу 21480
боодол өвс, 413 тн ногоон тэжээлийг борлуулж, 7697 тн буюу 307.8 мянган боодол
өвс, 560 тн ногоон тэжээлийг зах зээлд борлуулахаар иргэн аж ахуйн нэгжүүд
нөөцлөөд байна.
Бизнесийн зориулалтаар бэлтгэгдсэн боодлын өвс 5500-7500, ногоон тэжээл
10000-12000, урлон 120000-350000 төгрөгийн үнэ ханштай байна.
Сумдын өвс, тэжээлийн аюулгүйн нөөцөд 841 тн өвс, 530 тн тэжээл
бэлтгэгдээд байна.
