Улаанбаатар
БАЯНХОНГОР: Өнөөдөр цас орж шуурна
ОРОН НУТГИЙН МЭДЭЭ | БАЯНХОНГОР
Баянхонгор, 2024 оны арваннэгдүгээр сарын 14 /МОНЦАМЭ/. Өнөөдөр Алтайн салбар уулс болон говийн нутгаар цас орж шуурахыг аймгийн УЦУОША-наас мэдээллээ.
Тус албанаас ирүүлсэн цаг агаарын урьдчилсан мэдээгээр энэ сарын 15-19-нийг хүртэлх 5 хоногт нийт нутгаар хүйтэрнэ. 15,17-нд үүлших ч цас орохгүй, салхи хугацааны турш нийт нутгаар баруунаас 5-10м/с байна.
Агаарын температур хүйтэрч, хангайн уулархаг нутгаар шөнөдөө -24-29 градус, өдөртөө -8-13 градус, Алтайн салбар уулс, хээр талын нутгаар шөнөдөө -14-19 градус, өдөртөө -1-6 градус байна. Харин говийн нутгаар шөнөдөө -8-13 градус хүйтэн, өдөртөө +2-3 градус хүйтэн, Эхийнголын баянбүрд орчмоор өдөртөө +0+5 градус дулаан, шөнөдөө -2-7 градус хүйтэн байна.
