Улаанбаатар
“Оны шилдэг бүтээл-2024” үзэсгэлэнд 70 гаруй бүтээлийг толилуулж байна
МОНГОЛЫН МЭДЭЭ | СОЁЛ УРЛАГ
Улаанбаатар, 2024 оны арванхоёрдугаар сарын 26 /МОНЦАМЭ/. МУЭ-ээс жил бүр зохион байгуулдаг “Оны шилдэг бүтээл-2024” уламжлалт үзэсгэлэнг өнөөдөр нээлээ.
Тухайн жилийн онцлох бүтээлүүдийг сорчлон дэлгэдэг уг үзэсгэлэн оны шилдэг бүтээлүүдийг шалгаруулдаг уламжлал тогтоод өдгөө 57 жил болж буй юм.
Энэ удаагийн үзэсгэлэнд нийт 73 уран бүтээлчийн 77 уран зураг, баримал, өрөг урлагийн бүтээлийг дэлгэжээ.
Үзэсгэлэн энэ жилээс эхлэн шилдэг номинац шалгаруулахгүйгээр бүх бүтээлийг онцолж буйгаараа шинэлэг болж байгааг МУЭ-ийн үзэсгэлэнгийн менежер Б.Бердхалых тодотгов. Тэрбээр хэлэхдээ, “Энэ жилийн үзэсгэлэнгийн онцлог нь зураач, уран барималчдын тухайн жилийн турш хийсэн бүтээлүүдээс шалгаруулж буй юм. Энэ удаагийн үзэсгэлэнгээс уран бүтээлчдийн монгол зураг, чимэглэх урлаг, контемпорари, баримал, зураасан зураг, уран зураг, дархан гэхчлэн дүрслэх урлагийн бүхий л төрлөөр бүтээсэн шилдэг бүтээлүүдийг үзэн таашааж, сэтгэл, мэлмий юугаа баясгахыг боломжтой” гэв.
МУЭ-ээс ирэх жил Дүрслэх урлагийн шилдгүүдийг шалгаруулахаар төлөвлөжээ. “Оны шилдэг бүтээл-2024” үзэсгэлэн МУЭ-ийн үзэсгэлэнгийн танхимд 2025 оны нэгдүгээр сарын 3-ныг хүртэл олны хүртээл болно.
Ташрамд дурдахад, өнгөрсөн жил “Оны шилдэг бүтээл-2023”
үзэсгэлэнгийн шилдгээр
Уран зургийн төрөлд:
МУЭ-ийн гишүүн уран бүтээлч Ч.Болорын "Ханан хэц"
бүтээл
Уран баримлын төрөлд:
МУЭ-ийн гишүүн уран бүтээлч А.Очирболдын "Монгол
поло" бүтээл "Оны шилдэг бүтээл"
Монгол зургийн төрөлд:
МУЭ-ийн гишүүн уран бүтээлч Ж.Мөнхжаргалын "My lord, Do
you know me? I am your horse!" бүтээл
Контемпорари орчин үеийн төрөлд:
МУЭ-ийн гишүүн уран бүтээлч Б.Орхонтуулын "Цаг хугацааны дурсгалд" бүтээл тус тус шалгарч байв.
Ж.Түвшинтөгс "Эрхшээгч" 50х40х30 см поли
Д.Пүрэв "Би хэн бэ" 100х80 см холимог техник
Ч.Энхбаяр Хан туурын хүү Хөхий 170х120х35 см гууль, чулуу, ногоон хаш
Жа.Нанзаддорж "Үдэш" 30х35х15 см хүрэл
Б.Хишигсүрэн "Infinity" 158х148 см зотон, акрилик
Д.Азжаргал "Өв" 200х200 см зотон, акрилик
Ө.Одхүү "Эзэнтэй айл" 120х33х35 см бетон мотор гэрэл
Н.Мөнхбат "Nisvanis" 80х60 см холитог техник
Ц.Хөвсгөлдалай "Blind world" 50х50 зотон тос
Холбоотой мэдээ
