Улаанбаатар
ОРХОН: Шүд, гар угаалтын тэмцээнд 31 цэцэрлэгийн багачууд оролцож байна
ОРОН НУТГИЙН МЭДЭЭ | ОРХОН
Баян-Өндөр, 2025 оны дөрөвдүгээр сарын 2 /МОНЦАМЭ/. Орхон аймагт Шүд, гар угаалтын аварга шалгаруулах тэмцээнийг цэцэрлэгийн насны ангилалд зохион байгуулж байна.
Нийт 31 цэцэрлэгийн 248 хүүхэд эцэг, эхчүүдийн хамт оролцож 7 өртөө байгуулсан бөгөөд өртөө бүрд мэргэжлийн эмч нар шүүгчийн үүргийг гүйцэтгэж байна.
Энэхүү тэмцээнийг Орхон аймгийн Эрүүл мэндийн газраас 3 дахь жилдээ зохион байгуулж байгаа бөгөөд аймгийн ЗДТГ, Нийгмийн бодлогын хэлтэс, Боловсролын газар, Шүдний мэргэжилтнүүдийн холбоо, Орхон аймгийн өрхийн анагаах ухааны мэргэжилтнүүдийн холбоо, Сургуулийн өмнөх боловсролын байгууллагын багш, эцэг эхчүүд дэмжин хамтран ажиллаж байна.
Сүүлийн жилүүдэд хүн амын дунд халдварт өвчин нэмэгдэх болсонтой холбогдуулан хүүхэд багачуудыг бага наснаасаа ариун цэвэрч дадал зуршилтай болгох зорилгоор шүд, гар угаалтын арга замыг заан хэвшүүлэхээр энэхүү тэмцээнийг зохион байгуулж хэвшээд байна.
