Улаанбаатар
БУЛГАН: Могод суманд үлийн цагаан оготнын тархалт их байна
ОРОН НУТГИЙН МЭДЭЭ | БУЛГАН
Булган, 2025 оны зургаадугаар сарын 24 /МОНЦАМЭ/. Булган аймгийн нийт нутгаар зургаадугаар сарын 21-26-нд +20+36 градусыг давж халах төлөвтэй байгаа бөгөөд Могод суманд царцааны нүүдэл, үлийн цагаан оготнын тархалт их байна.
Бэлчээрийн хөнөөлт мэрэгч үлийн цагаан оготнотой нүхний тоо 0.25 га талбайд Булганы Могодод 100-гаас их, Булган, Завхан, Баянхонгор, Хөвсгөл, Архангай, Дундговь, Өвөрхангай, Сэлэнгэ, Төв, Хэнтий, Дорнод, Сүхбаатар аймгийн зарим нутгаар 20-100, бусад нутгаар 20 хүртэл байна.
Мөн ихэнх нутгаар сибирийн царцаа, бараан далавчит царцаахай ажиглагдсан ба Увсын Малчин, Ховдын Чандмань, Баянхонгорын Гурванбулаг суманд царцааны хэт олшролттой байгаа юм.
