Улаанбаатар
Сайншанд, Замын-үүд суманд томуу ихсэх хандлагатай байна
ОРОН НУТГИЙН МЭДЭЭ | ДОРНОГОВЬ
Дорноговь аймгийн Замын-Үүд, Хатанбулаг, Айраг, Хөвсгөл, Өргөн зэрэг суманд томуу, томуу төст өвчлөл бүртгэгдсэн талаар аймгийн ЭМГ-аас мэдээллээ.
Дээрх өвчлөлийн талаарх сумдын мэдээллийг харахад Айраг суманд хамгийн өндөр буюу амбулаториор үйлчлүүлэгчдийн 11.5 хувь томуу томуу төст өвчнөөр оношилогдсон аж.
Мөн хүн ам ихээр төвлөрсөн Сайншанд,Замын-үүд суманд ч томуу ихсэх хандлага байна. Энэ оны 11 дүгээр сарын 06-ны байдлаар Дорноговь аймгийн хэмжээнд эмнэлгийн амбулаториор нийт 5112 хүн үйлчлүүлснээс 5.1 хувь нь томуу өвчнөөр оношлогдсон хэдий ч ерөнхий дүнгээрээ өмнөх жилийн мөн үеийнхээс 0.3 хувиар тус буурсан үзүүлэлттэй байгаа аж.
Хэдийгээр энэ чиглэлийн өвчлөл аймгийн хэмжээнд буурсан байгаач өвчлөгсдийн 93.9 хувийг 0-15 насны хүүхэд, 83.5 хувь нь 0-4 насны хүүхэд эзлэж байгаа нь эцэг эхчүүд, асрах хамгаалагчид бага насны хүүхдээ өвчлөхөөс урьдчилан сэргийлэх, дэглэм бариулах шаардлагатай байгааг албаны хүн санууллаа.
Х.Эрдэнэбулган
