Улаанбаатар
“Биелшгүй даалгавар” киноны зургаа дахь ангийн зураг авалт Парист эхэлжээ
ДЭЛХИЙН МЭДЭЭ | СОЁЛ УРЛАГПАРИС./TASS/.“Биелшгүй даалгавар” адал явдалт киноны зургаа дахь ангийн зураг авалт Парист эхэллээ. La Parisienne сонинд бичсэнээр, киноны гол дүрийг өмнөх ангиудад тоглосон Америкийн нэрт жүжигчин Том Круз бүтээх ажээ.
Том Круз зураг авалтын багийнхны хамт Парист хэд хоногийн өмнө ирсэн байна. 4 дүгээр сарын 8-ны бямба гарагт Том Круз Францын Эдийн засаг, санхүүгийн яамны байшингийн орой дээр гараад сууж байхыг нь сэтгүүлчид олж харжээ. Зураг авалтын явцыг хотын иргэд, жуулчид ажиглан харж байлаа.
Парис дахь зураг авалтын ажил 35 өдрийн турш үргэлжилнэ. Хэд хэдэн үзэгдэл хэсгийг Парис хотын хамгийн алдартай гудамж болох Оперын өргөн чөлөө, Парисын метроны Гренель гудамжны хэсэгт авахаар төлөвлөжээ.
Уг киног 2018 оны 6 дугаар сард дэлгэцэнд гаргахаар төлөвлөж байгаа аж. “Биелшгүй даалгавар: Шоовдорлогдсон хүмүүсийн уур хилэн” киноны өмнөх анги 2015 онд дэлгэцэнд гарсан ба дэлхийн даяар 700 сая долларын орлого олжээ.
О.Барс
