Улаанбаатар
АНУ, Япон хоёр Солонгосын хойгийн орчимд хамтарсан хээрийн сургууль хийжээ
ДЭЛХИЙН МЭДЭЭ | УЛС ТӨР
ТОКИО./TASS/. Умард Солонгос баллистик пуужин ээлжит удаагаа туршсантай холбоотойгоор Японы өөрийгөө хамгаалах хүчний хоёр “F-2” сөнөөгч нисэх онгоц, АНУ-ын Агаарын цэргийн хүчний хоёр “В-1” стратегийн бөмбөгдөгч нисэх онгоц оролцсон хамтарсан хээрийн сургуулийг ням гарагт хийжээ. Энэ тухай сэтгүүлчдэд Японы ГХ-ийн сайд Фумио Кисида мэдээллээ.
Тус хээрийн сургууль Солонгосын хойг, Японы баруун Кюшю арлын хооронд явагдсан байна.
“Ням гарагийн үдээс өмнө Япон АНУ-ын нисэх онгоцууд оролцсон хамтарсан цэргийн хээрийн сургууль хийлээ. Аюулгүй байдлын нөхцөл байдал муудсан, Умард Солонгос ээлжит удаагаа пуужин харвасантай холбоотой бид АНУ-тай стратегийн хамтын ажиллагаагаа цаашид нэмэгдүүлнэ” хэмээн сайд мэдэгджээ.
Умард Солонгосын дээрх пуужин нь 7 дугаар сарын 4-нд харвасан пуужинтай харьцуулахад нислэгийн өндөр нь бараг 1000 км-ээр нэмэгдсэн төдийгүй агаарт нисэх хугацаа нь таван минутаар уртассан гэж Японы Батлан хамгаалах яам тэмдэглэжээ.
Харин ОХУ-ын Батлан хамгаалах яамны мэдээлснээр, Умард Солонгосын пуужин 681 км-ийн өндөрт хүрч 732 км зайг туулж, Япон тэнгисийн төв хэсэгт унасан ажээ. Ийм үзүүлэлт нь дунд тусгалын баллистик пуужинд тохирч байгаа гэнэ.
Тус хээрийн сургууль Солонгосын хойг, Японы баруун Кюшю арлын хооронд явагдсан байна.
“Ням гарагийн үдээс өмнө Япон АНУ-ын нисэх онгоцууд оролцсон хамтарсан цэргийн хээрийн сургууль хийлээ. Аюулгүй байдлын нөхцөл байдал муудсан, Умард Солонгос ээлжит удаагаа пуужин харвасантай холбоотой бид АНУ-тай стратегийн хамтын ажиллагаагаа цаашид нэмэгдүүлнэ” хэмээн сайд мэдэгджээ.
Умард Солонгосын дээрх пуужин нь 7 дугаар сарын 4-нд харвасан пуужинтай харьцуулахад нислэгийн өндөр нь бараг 1000 км-ээр нэмэгдсэн төдийгүй агаарт нисэх хугацаа нь таван минутаар уртассан гэж Японы Батлан хамгаалах яам тэмдэглэжээ.
Харин ОХУ-ын Батлан хамгаалах яамны мэдээлснээр, Умард Солонгосын пуужин 681 км-ийн өндөрт хүрч 732 км зайг туулж, Япон тэнгисийн төв хэсэгт унасан ажээ. Ийм үзүүлэлт нь дунд тусгалын баллистик пуужинд тохирч байгаа гэнэ.
О.Барс
