МАН-ын бүлэг долоон цаг хуралдсан ч нэгдсэн шийдэлд хүрсэнгүй

gantuya@montsame.mn

2017-08-29 22:01:40

Улаанбаатар /МОНЦАМЭ/. Өнөөдөр 15.10 цагт эхэлсэн УИХ дахь МАН-ын бүлгийн хуралдаан Төрийн ордонд хаалттай болж, хэлэлцэх асуудлаа дуусгаж, нэгдсэн шийдэлд хүрч амжилгүй 22.30 цагийн орчимд өндөрлөлөө.

Тус бүлгийн хуралдаанд УИХ-ын дарга М.Энхболд, Ерөнхий сайд Ж.Эрдэнэбат, Шадар сайд У.Хүрэлсүх, ЗГХЭГ-ын дарга Ж.Мөнхбат, сайд нар гээд нийт 50 орчим гишүүн оролцов. Хуралдаанаар хоёр асуудал хэлэлцэж байгаа нь Шадар сайдыг үүрэгт ажлаас нь чөлөөлөх болон Ерөнхий сайдыг огцруулах эсэх юм.

Бүлгийн хуралдааны үеэр Ерөнхий сайдыг огцруулах саналд УИХ-ын гишүүн Ц.Нямдорж гарын үсэг нэмж зурсан тухай УИХ-ын гишүүн Т.Аюурсайхан твиттер хуудсаараа дамжуулан жиргэсэн. Ингэсэн тохиолдолд Ерөнхий сайдыг огцруулах саналд гарын үсэг зурсан гишүүдийн тоо 31 болох юм.

Ингээд долоон цаг гаруй хугацаанд үргэлжилсэн ч хуралдаан тодорхой шийдэлд хүрэлгүй өндөрлөж, маргааш 10.00 цагаас үргэлжлэх боллоо. Мөн бүлгийн хуралдаан ийн удсантай холбогдуулан УИХ-ын Аюулгүй байдал, гадаад бодлогын байнгын хороо өнөөдөр хуралдаж амжсангүй.

МАН-ын бүлэг долоон цаг хуралдсан ч нэгдсэн шийдэлд хүрсэнгүй

Холбоотой мэдээ

Тулиа Аксон: Монгол Улс жендэрийн эрх тэгш байдлыг хангах чиглэлээр хэрэгжүүлж буй ажлыг дэмжинэ

Иүси Хала-Ахо: Хоёр улсын хууль тогтоох байгууллага хоорондын хамтын ажиллагааг хөгжүүлнэ

Парламентын дарга нарын хурлаар хамтын ажиллагаа, олон талт үзлийг бэхжүүлэх нь чухал байгааг онцоллоо

НҮБ болон олон улсын бусад байгууллагын хүрээнд хоёр улсын хамтын ажиллагааг бэхжүүлнэ

Финланд Улстай худалдааны эргэлтийг нэмэгдүүлэх талаар санал солилцов

БНАСАУ-тай цаашдын хамтын ажиллагаагаа тогтвортой хөгжүүлнэ

ОУПХ-той хүний эрх, жендэрийн тэгш байдлыг хангаж ажиллана

Ирэх 50 жилийн хөгжлийн чиг хандлага, цаашдын бодлогын талаар хэлэлцэв

Монгол, Канадын "Иж бүрэн түншлэл"-ийн харилцаа, хамтын ажиллагаа шинэ агуулгаар баяжиж, идэвхтэй хөгжиж байна

бидэнтэй нэгдэх

Хандалт