Ulaanbaatar
Монте Карлогийн циркийн наадмаас Монголын акробатчид хүрэл цом хүртжээ
МОНГОЛЫН МЭДЭЭ | СОЁЛ УРЛАГ
Улаанбаатар, 2025 оны нэгдүгээр сарын 22 /МОНЦАМЭ/. Монакогийн Монте-Карло хотод зохион байгуулдаг олон улсын “А” зэрэглэлийн тэмцээнээс Монголын циркчид хүрэл цом хүртжээ.
Тодруулбал, олон улсын тэмцээнд эх орноо төлөөлөн оролцсон “Монгол циркийн хөгжлийн төв”-ийн Н.Эрдэнэ продюсертай Н.Энхболд багштай акробатын залуу жүжигчид хүрэл цом хүртсэн байна. Дэлхийн 20 орны 231 циркийн жүжигчин тус тэмцээнд оролцож, авьяас чадвараараа өрсөлджээ.
Циркийн урлагийн дээд зэрэглэлийн, олон улсын тус тэмцээнд Монгол Улсаас энэ жил гурван баг гурван өөр төрөлд оролцсон байна.
“Монгол циркийн хөгжлийн төв”-ийн уран нугараачид 2019 онд “Уолт Дисней”-н “Дамбо” хүүхэлдэйн киног 60 жилийн дараа бүрэн хэмжээний уран сайхны кино болгон бүтээхэд туслах дүрд тоглож байсан юм.
