Өрхийн үйлдвэрлэл явуулж ажлын байрыг бий болгож байна
ОРОН НУТГИЙН МЭДЭЭ | ХӨВСГӨЛХөвсгөл аймгийн Тосонцэнгэл сумын малчин Д.Баасандорж сум хөгжүүлэх сангаас 8 сая төгрөгний зээл авч арьс элдэх тоног төхөөрөмж авч өрхийн үйлдвэрлэл эрхлэн 4 хүнийг ажлын байраар ханган ажиллаж байна.
Тэрээр арьс халимлах, талхи, элдэх зэрэг тоног төхөөрөмжтэй ба иргэдээс хурганы болон үзүүрсгэн арьсыг авч ганд эсгэн нэг арьсыг 5000-15000 төгрөгөөр элддэг байна. Цаашид үйлдвэрлэлээ өргөжүүлэх бодолтой бөгөөд малчидтайгаа хамтран ажлын байрыг нэмэгдүүлэн ажиллах зорилготой бөгөөд хөдөө орон нутагт ажлын байр хомс байдаг ч нөхөрлөл хоршоо байгуулан хоршиж ажиллавал боломжтой гэдгийг малчин Д.Баасандорж харуулж байгаа ажээ.
Б.Гантуяа