Ulaanbaatar
БНХАУ Өмнөд Хятадын тэнгис рүү сөнөөгч онгоц илгээжээ
ДЭЛХИЙН МЭДЭЭ | УЛС ТӨРВАШИНГТОН. /NHK/. Өмнөд Хятадын тэнгис дэх маргаантай арлууд руу БНХАУ сөнөөгч онгоцуудаа илгээлээ гэж АНУ-ын албаны хүмүүс мэдэгджээ. БНХАУ тус арлуудад газар-агаар ангиллын пуужингийн системээ байрлуулсан билээ.
БНХАУ-ын хяналтад байгаа Параселийн гинжин арлуудын нэг Вуди аралд байлдааны нисэх онгоцууд газардсан гэж тэд мэдэгджээ.
“Shenyang J-11”, “Xian JH-7” сөнөөгч онгоцуудыг аралд байрлуулсан гэж албаны хүмүүс мэдэгдсэнийг АНУ-ын “Fox News” телевиз мэдээлэв.
БНХАУ-ын энэ үйл ажиллагаа нь пуужингийн систем байрлуулсан шиг онцгой зүйл биш болохыг албаны хүмүүс дурдаад, арлуудад хөөрч, буух зурвас 1990-ээд онд байгуулснаас хойш БНХАУ-ын сөнөөгч онгоцууд тус арлуудад тогтмол бууж, хөөрдөг гэж мэдэгджээ.
Д.Нямтулга
