Цаг агаар хүйтэрч байгаа тул болгоомжтой зорчихыг анхаарууллаа
ОРОН НУТГИЙН МЭДЭЭ | ОРХОНОрхон/МОНЦАМЭ/ Орхон аймагт өглөө 9-11 цагийн үед бороо орж байсан бол одоо
цасан шуурга шуурч зам, талбай халтиргаа, гулгаатай болж байна. Иймд зуны
дугуйтай автомашинууд замын хөдөлгөөнд оролцохгүй байхыг Цагдаагийн газар,
ОБГ-аас хэвлэл мэдээллийн байгууллагаар дамжуулан олон нийтэд анхааруулж буй.
Есдүгээр сарын 19-20-нд шилжих шөнө цас их
орж салхи түр зуур 12-14 м/с хүрч ширүүсэн цасан болон шороон шуурга шуурч эрс хүйтрэх тул зам, даваа хаагдаж болзошгүй тухай ОБГ-аас мэдээлэв. Иймд дээрх цаг
хугацаанд хөдөө орон нутагт зорчихгүй байхыг анхаарууллаа.
Б.Оюун-Эрдэнэ