Томуу, томуу төст өвчнөөс урьдчилан сэргийлэх арга хэмжээ авч байна
ОРОН НУТГИЙН МЭДЭЭ | ДУНДГОВЬДундговь /МОНЦАМЭ/. Хоёрдугаар
сарын 11-ний өдөр сургуулийн сурагчдын хичээл эхэлж байгаатай холбогдуулан аймгийн Эрүүл мэндийн
газраас Сайнцагаан сумын Говийн ирээдүй цогцолбор сургуулийн сурагчдад ханиад,
томуунаас хамгаалах зорилгоор 1000
ширхэг амны хаалт тараажээ.
Нэгдүгээр сарын 3 дахь долоо хоногт Сайнцагаан суманд томуу,
томуу төст өвчний гаралт ихэсч, Нэгдсэн эмнэлгийн ачаалал ихэссэн тул тус сумын
Засаг даргын захирамжаар сургууль, цэцэрлэгийн үйл ажиллагааг 1 дүгээр сарын
17-ны өдрөөс түр хугацаагаар хаагаад байсан бөгөөд өнөөдөр ийнхүү сургуулиудын
хичээл эхэлж, үйл ажиллагаа нь жигдэрч байна.
Хорио тогтоосон энэ хугацаанд томуу,
томуу төст өвчний гаралт харьцангуй багасч байгаа хэдий ч үндэсний их баяр
цагаан сарын дараагаар дахин дэгдэх магадлал байгаа тул сургуулийн сурагчдад амны хаалт тарааж, ийнхүү урьдчилан сэргийлэх арга хэмжээ авxч байгаа ажээ.