Хүүхдийн сэвлэг үргээх болон үс засуулбал жаргал ирнэ

Монголын мэдээ | Лавлагаа
bolor@montsame.mn
2019-03-19 07:48:56

Улаанбаатар /МОНЦАМЭ/. Өнөөдөр аргын тооллын 2019 оны гуравдугаар сарын 19. Мягмар гараг. Билгийн тооллын XVII жарны “Урвуулагч” хэмээх шороон гахай жилийн Хаврын дунд улаагчин туулай сарын 11. Ангараг гараг. Их морь одтой, дөрвөн ногоон мэнгэтэй, хөхөгчин туулай өдөр. 

Барилдлага: Арвидах
Шүтэн барилдлага: Төрөн түгэхүй 
Суудал: Огторгуй  

Өдрийн наран 6 цаг 57 минутад мандан, 19 цаг 01 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, лусыг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Сэтгэлд сэвтэй газар очих, газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Хүүхдийн сэвлэг үргээх болон үс засуулбал жаргал ирнэ хэмээжээ. 

Холбоотой мэдээ