Дундговь аймгийн Засаг даргын нэрэмжит бүсийн анхдугаар олимпиадыг зохион байгуулна

Орон нутагт | Дундговь
altantogos_dg@yahoo.com
2019-03-19 21:39:06
altantogos

Дундговь /МОНЦАМЭ/. Дундговь аймгийн ЗДТГ, Боловсрол, соёл, урлаг, спортын газраас тус аймгийн Засаг даргын нэрэмжит өмнөд бүсийн физикийн олимпиадыг  3 дугаар сарын 30-ны өдөр Мандалговь хотноо анх удаа зохион байгуулах гэж байна.

Тус олимпиад Дундговь, Дорноговь, Говьсүмбэр, Өмнөговь, Төв аймгийн ЕБС-ийн 7-12 дугаар ангийн сурагчдыг хамруулах бөгөөд сурагчдын физик болон техник сэтгэлгээг хөгжүүлэх, ур чадварыг нэмэгдүүлэх зорилготой юм.  

Сургуулиудаас хэдэн ч хүүхэд оролцож болох ба анги тус бүрээс эхний 6 байрыг шалгаруулан, алт, мөнгө, хүрэл медалийн эздийг тодруулж, багийн дүнгээр эхний 3 сургуулийг шалгаруулах ажээ.

Тус олимпиадын бодлогыг Улсын физикийн олимпиадын хорооны гишүүд дэвшүүлж, материалыг оролцож буй аймаг, сумын сургуулиудын физикийн багш нараас бүрдсэн комисс шалгаруулахаар удирдамжид заажээ. 

Холбоотой мэдээ