Х.Болортуяа “Mongolia Open”-аас мөнгөн медаль хүртлээ
МОНГОЛЫН МЭДЭЭ | СПОРТУлаанбаатар /МОНЦАМЭ/. Дэлхийн Бөхийн Холбооны дэлхийн чансааны оноо олгох “Mongolia Open” олон улсын чөлөөт бөхийн тэмцээний 65 кг-ийн жинд ОБЕГ-ын харьяа “Аврагч” Биеийн тамир текник- спортын хорооны тамирчин Х.Болортуяа мөнгөн медаль хүртлээ.
Тэмцээн энэ сарын 6-7-нд “Буянт-Ухаа” спортын ордонд болсон бөгөөд Монгол, ОХУ, БНХАУ, Казахстан, Украин, Сингапур, Йемен, Беларусь зэрэг улсын нийт 300 гаруй тамирчин оролцсон байна гэж Онцгой байдлын ерөнхий газраас мэдээллээ.