Улаанбаатар
"Шинэ-Бадрах" дэвжээний охид багаараа алтан медаль хүртжээ
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Алс баруун хязгаар Ховд аймгийн төв Ховд хотод зохион байгуулсан Монгол Улсын өсвөр үеийн аварга шалгаруулах жүдо бөхийн тэмцээнээс Сэлэнгэ аймгийн "Шинэ-Бадрах" дэвжээний охид багаараа алтан медаль хүртжээ.
Монгол Улсын өсвөр үеийн аварга шалгаруулах жүдо
бөхийн тэмцээнд нийт 21 аймаг, нийслэлийн 9 дүүргийн нийт 44 багийн 700 орчим тамирчин оролцож хурд хүчээ сорин өрсөлдсөн байна. Сэлэнгэ
аймгаас оролцсон "Шинэ-Бадрах" дэвжээний охидууд зургаан
алт, нэг мөнгө, нэг хүрэл медаль хүртэн анх удаа багаараа аваргын
алтан медалийн эзэд болжээ.
Тус тэмцээнийг 14-16, 17-18 гэсэн хоёр насны ангиллаар явуулсан бөгөөд тамирчид нийт 122 багц медалийн төлөө өрсөлдсөн
байна. Энэ сарын 17-19-ний өдөр болсон энэхүү жүдо бөхийн тэмцээнийг Ховд аймгийн ИТХ, ЗДТГ, Биеийн
тамир, спортын газар, Монголын Жүдо бөхийн холбоо, Ховд аймгийн Жүдо бөхийн холбоо
хамтран зохион байгуулсан байна.
