Улаанбаатар
Цаг агаарын аюултай үзэгдлээс сэрэмжлүүлэв
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Маргааш өдөр Төв аймгийн зүүн хэсэг, Хэнтий аймгийн нутгаар дуу цахилгаантай усархаг бороо орох тул үер усны аюулаас сэрэмжлэхийг Цаг уур, орчны шинжилгээний газраас анхааруулж байна.
2019 оны 6 дугаар сарын 28-наас 7 дугаар сарын 2-ныг хүртэлх
цаг агаарын урьдчилсан төлөв:
Энэ сарын 28-нд баруун аймгуудын нутгийн
зарим газар, төв, зүүн аймгуудын ихэнх нутаг, говийн аймгуудын нутгийн хойд
хэсгээр, 29-30-нд зарим газраар, 7 дугаар сарын 1-нд нутгийн төв хэсгээр бороо орно. Дуу цахилгаантай.
Салхи борооны өмнө түр зуур секундэд 14-16 метр хүрч ширүүснэ. Алтай, Хангай,
Хөвсгөл, Хэнтийн уулархаг нутаг, Тэрэлж голын хөндийгөөр шөнөдөө 2-7 градус,
өдөртөө 12-17 градус, говийн бүс нутгийн өмнөд хэсгээр шөнөдөө 14-19 градус,
өдөртөө 24-29 градус, бусад нутгаар шөнөдөө 7-12 градус, өдөртөө 17-22 градус
дулаан байна.
Дашрамд дурдахад, энэ сарын 23-ны өдрийн байдлаар 9 аймгийн
17 сум, нийслэлийн 3 дүүрэгт нийт 24 удаагийн усны ослоор 27 хүн амиа алджээ.
Үүний 23 нь том хүн, 4 нь хүүхэд байгаа юм.
