Ноолуурын үнэ кг нь 15-20 мянган төгрөгөөр өсжээ

Монголын мэдээ | Нийгэм
192@montsame.mn
2019-08-15 17:58:20

Улаанбаатар /МОНЦАМЭ/. Малын түүхий эдийн зах зээлийн дундаж үнийн мэдээллээр цагаан ноолуур кг нь 85 мянган төгрөгийн үнэтэй байна.

Энэ нь нийслэл Улаанбаатар хот дахь түүхий эдийн “Эмээлт” зах дээрх үнэ юм. Харин хөдөө аж ахуйн түүхий эд, барааны биржийн арилжааны ханшаар боловсруулаагүй цайвар ноолуур кг нь 91 мянга, мөн боловсруулаагүй бараан ноолуур кг нь 89 мянган төгрөг байна. Энэ нь өнгөрсөн сарынхаас 15-20 мянган төгрөгөөр өссөн үзүүлэлт юм.


ҮСХ-ны мэдээллээр Дорнод аймагт цагаан ноолуурын үнэ кг нь 49 мянган төгрөг байгаа нь хамгийн доод ханш болж байна. Бусад аймагт ноолуур кг нь 50-84 мянган төгрөг байна.

Б.Болд

Холбоотой мэдээ