Улаанбаатар
Ерөнхий сайд Ч.Сайханбилэг улсын өрийн асуудлаар мэдээлэл хийнэ
МОНГОЛЫН МЭДЭЭУИХ-ын ирэх долоо хоногийн чуулганы нэгдсэн хуралдаанд Ерөнхий сайд Ч.Сайханбилэг Монгол Улсын гадаад өр, Засгийн газрын өрийн талаар гишүүдэд мэдээлэл өгнө.
Хоёр долоо хоног тутамд УИХ-ын чуулганы нэгдсэн хуралдаанд Ерөнхий сайд мэдээлэл хийж, цаг үеийн анхаарал татсан асуудлаар УИХ-ын гишүүдэд танилцуулж, асуултад нь хариулдаг. Тэгвэл Хаврын чуулганы анхны мэдээллийн цагаараа Ерөнхий сайд Ч.Сайханбилэг улсын гадаад, дотоод өрийн талаар хөндөх болжээ.
Мөн ирэх долоо хоногт чуулганы хуралдаанаар Монгол Улсын Их Хурлын чуулганы хуралдааны дэгийн тухай хуульд нэмэлт оруулах тухай хуулийн төсөл, Гэр бүлийн хүчирхийлэлтэй тэмцэх тухай /шинэчилсэн найруулга/ болон холбогдох бусад хуулийн төслүүд, Төрийн болон албаны нууцын тухай болон холбогдох бусад хуулийн төслүүд зэрэг 30 орчим асуудал хэлэлцэхээр төлвлөсөн байна.
Н.Туяа
