Залуучуудын санаачилсан 12 төсөл тус бүрт 10 сая төгрөгийн санхүүжилт олголоо

Орон нутагт | Орхон
orkhon@montsame.mn
2019-10-18 12:22:26
oyuka_hu@yahoo.com

Орхон /МОНЦАМЭ/ Залуучуудын хөдөлмөр эрхлэлтийг нэмэгдүүлэх, ажлын байр бэлдэхэд нь дэмжлэг үзүүлэх зорилгоор аймгийн Хөдөлмөр, халамжийн үйлчилгээний газар “Залуучуудын гарааны бизнесийг дэмжих” хөтөлбөр хэрэгжүүлж байна. Үүний хүрээнд, төслийн уралдаан зарлаж 12 төслийг сонгон шалгаруулан баг тус бүрт 10 хүртэлх сая төгрөгийн санхүүжилт олгосон байна. 

Гарааны бизнесийн хөтөлбөрт 15-34 насны 100 гаруй залуусыг хамруулж, бүтээлч сэтгэлгээ, гарааны бизнес эрхлэх ур чадвар олгох сургалтад хамруулан улмаар хэрэгжүүлж болохуйц шилдэг 12 төслийг шалгаруулсан аж.

Орхон аймгийн ХХҮГ-ын мэргэжилтэн Ж.Дэлгэрмаа хэлэхдээ, "Ирж буй төслийн дийлэнх нь малгай үйлдвэрлэл, арьсан эдлэл, хувцасны шошгын үйлдвэрүүд байлаа. Шалгаруулалт долоон хүний бүрэлдэхүүнтэйгээр ажиллаж, орон нутгийн хэрэгцээнд тохирсон  төслүүдийг шалгаруулсан” гэлээ. 

Холбоотой мэдээ