Орхон аймагт 125 хүүхдийн багтаамжтай цэцэрлэг ашиглалтад оров
ОРОН НУТГИЙН МЭДЭЭ | ОРХОНОрхон /МОНЦАМЭ/
Орхон аймгийн Баян-Өндөр сумын Яргуйт багт 125 хүүхдийн багтаамжтай
цэцэрлэг ашиглалтад орлоо. XXIII
цэцэрлэгийн
дэргэдэх өргөтгөлийн барилгыг улсын
төсвийн нэг тэрбум төгрөгөөр орон нутгийн “Шинжу” компани дөрвөн сарын
хугацаанд барьж ийнхүү 125 хүүхэд
цэцэрлэгт хамрагдах боломжтой болов.
Яргуйт баг нь 739.9 га
талбайтай, гэр хорооллын баруун захад
оршдог. Урд талаараа Булган аймгийн Орхон сум, баруун талаараа Бугат сумтай хиллэдэг. Тус багт цэцэрлэгийн насны 700 гаруй
хүүхэд амьдардаг бөгөөд шинээр байгуулж байгаа өргөтгөлд 125 буюу 23 дугаар цэцэрлэгт нийт 300 хүүхэд хамрагдах
боломжтой боллоо.
2019-2020 оны хичээлийн
жилд Орхон аймагт сургуулийн өмнөх
боловсролын байгууллагын хамрагдалт 93.7 хувьтай байгаа бол дээрх цэцэрлэг ашиглалтад орсноор 96 хувьд хүрч
байна. Уг цэцэрлэг нь төвийн дулаанд холбогдсоноороо онцлог юм.