Цэцэрлэгүүд “Багш хөгжлийн төв”-тэй болж байна
ОРОН НУТГИЙН МЭДЭЭ | ДОРНОДДорнод /МОНЦАМЭ/. Дорнод аймгийн цэцэрлэгүүд “Багш хөгжлийн төв”-тэй болж байна. Тус аймаг 2016 онд ИТХ-аараа “Эрдэм” хөтөлбөрийг хэлэлцэн баталснаар амжилттай хэрэгжүүлж байгаа юм.
Энэ хүрээнд
төрийн өмчит ЕБС-дад ОНХС-гийн санхүүжилтээр “Багш хөгжлийн төв”-ийг байгуулж
дууссан бол энэ онд цэцэрлэгийн багш нарын хөгжлийн төв байгуулах ажлыг
эхлүүлээд байгаа аж. Одоогоор Хэрлэн сумын 10 дугаар цэцэрлэг болон “Шинэ
хөгжил” цогцолбор сургуулийн “Багш хөгжлийн төв”-ийг байгуулж, шаардлагатай
тоног төхөөрөмж, тавилга хэрэгслийг хүлээлгэж өгөөд байна. Дорнод аймгийн Засаг
дарга М.Бадамсүрэн: “Багш нар өрсөлдөх чадвартай, мэдлэг боловсролтой иргэнийг
бэлтгэхийн тулд тэр хэрийн чадвартай, заах арга зүйтэй байх ёстой” гэв.
Ийнхүү цэцэрлэгүүд “Багш хөгжлийн төв”-тэй болсноор багш
нар ажлын байрандаа мэргэжил, арга зүйгээ дээшлүүлж, арга туршлагаасаа солилцох
боломж бүрдэж байгаа юм.