Улаанбаатар
Гэрээний хүрээнд хүлээсэн үүргээ биелүүлэхийг АНУ-д уриалжээ
ДЭЛХИЙН МЭДЭЭ | УЛС ТӨР
БЭЭЖИН. /Синьхуа/.
Америкийн албан тушаалтнууд цөмийн туршилтыг сэргээх боломжийг хэлэлцэж байгаа
тухай олон нийтийн хэвлэл мэдээллийн хэрэгслүүд мэдээлж буйтай холбогдуулан
ихээхэн санаа зовниж буйгаа БНХАУ-ын Гадаад хэргийн яамны албан ёсны төлөөлөгч
Жао Лизянь илэрхийлжээ. Тэрбээр цөмийн туршилтыг хориглох тухай цогц гэрээний
хүрээнд хүлээсэн зохих үүргээ биелүүлэхийг АНУ-д уриалжээ.
АНУ-ын үндэсний
аюулгүй байдлын асуудал хариуцсан албан тушаалтнууд дотоод зөвлөгөөн хийх
үеэрээ цөмийн туршилтыг сэргээх боломжийг хэлэлцсэн тухай Америкийн олон
нийтийн хэвлэл мэдээллийн хэрэгслүүд 5 дугаар сарын 22-нд мэдээлжээ.
"Цөмийн зэвсэглэлд олон улсын хяналт тавих дэглэмийн гол элемент болдог Цөмийн туршилтыг хориглох тухай цогц гэрээ нь хүчин төгөлдөр болоогүй хэдий ч цөмийн туршилт явуулахад хориг тавих нь олон улсын хэм хэмжигдэхүүн юм. Энэхүү гэрээ нь цөмийн зэвсгийг үл дэлгэрүүлэх, энх тайван, аюулгүй байдлыг хамгаалахад чухал ач холбогдолтой” хэмээн ГХЯ-ны төлөөлөгч онцлон тэмдэглэсэн байна.
