Эмэгтэйчүүд хүчирхийлэлд өртөх аюул нэмэгдэж байна
ДЭЛХИЙН МЭДЭЭ | НИЙГЭМВЕНА. /TASS/. Коронавирусний цар тахал дэгдсэнтэй холбоотойгоор дэлхий
даяар хэрэгжиж буй тусгаарлалтын арга хэмжээний үеэр эмэгтэйчүүд хүчирхийлэлд
өртөх аюул нэмэгдэж байна гэж НҮБ-ын Мансууруулах бодис, гэмт хэрэгтэй тэмцэх
албаны гүйцэтгэх захирал Фатхи Вали мэдэгдсэн байна.
“Эмэгтэйчүүд хамтран амьдрагч эсвэл
төрөл садны хүчирхийлэлд өртөх нь улам нэмэгдэж байна. “COVID-19”-н хямрал нөхцөл байдлыг даамжруулж байна. Олон улс
оронд хууль сахиулах байгууллагад хандах боломж эмэгтэйчүүдэд хязгаарлагдмал
байгаа нь хүчирхийлэлд өртөх аюулыг нэмэгдүүлж байгаа юм” гэж мэдэгдэлд дурджээ.
Өмнө нь НҮБ-ын Ерөнхий нарийн бичгийн дарга Антониу Гутерриш мэдэгдэхдээ, цар
тахалтай холбогдуулан хөл хорио тогтоосноос хойш эмэгтэйчүүдийн эсрэг
үйлдэгддэг гэр бүлийн хүчирхийлэл огцом нэмэгдэж байна гэжээ.
11-р сарын 25-ны энэ өдөр Эмэгтэйчүүдийн эсрэг хүчирхийллийг
таслан зогсоох олон улсын өдөр тохиож байгаа юм.