Нийтийн тээврийн жолооч, ТҮК-ийн ажилтнуудад 20 000 амны хаалт бэлэглэв
МОНГОЛЫН МЭДЭЭ | СОЁЛ УРЛАГУлаанбаатар /МОНЦАМЭ/. Соёлын яам болон Засгийн газрын хэрэгжүүлэгч агентлаг, Соёл урлагийн газрын хамт олон “Замын хөдөлгөөнд соёлтой оролцъё” урианд нэгдлээ.
Энэ хүрээнд нийслэл хотынхоо нийтийн тээврийн
тасралтгүй үйл ажиллагааг ханган албан үүргээ гүйцэтгэж байгаа жолооч нар, мөн
иргэдийн эрүүл, аюулгүй орчинд амьдрах нөхцөлийг бүрдүүлэн эрсдэл үүрэн ажиллаж
байгаа ТҮК-ийн ажилчиддаа сэтгэлийн
хандив болгон 20 000 амны хаалт бэлэглэв.
Хандивыг Соёлын
яамны Төрийн нарийн бичгийн дарга
Г.Эрдэнэбат Улаанбаатар хотын Ерөнхий менежер бөгөөд Захирагчийн ажлын албаны
дарга Т.Гантөмөрт хүлээлгэн өгч, дэлхийг хамарсан цар тахлын үед нийслэл
хотынхоо ард иргэдийн эрүүл, аюулгүй амьдрах орчныг бүрдүүлэн цаг наргүй
ажиллаж байгаа Улаанбаатар хотын удирдлагууд болон нийтийн тээврийн, Хот
тохижилтын үйлчилгээний ажилтнуудад талархал илэрхийлэв.
Эдгээр амны
хаалтыг Хот тохижилтын
газар, дүүргүүдийн тохижилт үйлчилгээний 21 байгууллага, нийтийн тээврийн 19
байгууллага, хяналтын төрийн бус байгууллага зэрэг 46 байгууллагын 3000 орчим
ажилтанд энэ үеэр тарааж
өгсөн байна.