Аж үйлдвэрийн бүтээгдэхүүний үйлдвэрлэл өсжээ

Орон нутагт | Завхан
emunkherdene@gmail.com
2021-02-21 13:45:12

Завхан/МОНЦАМЭ/. Тус аймагт хоёрдугаар сарын байдлаар аж үйлдвэрийн нийт бүтээгдэхүүний үйлдвэрлэл нэг тэрбум 647.9 сая төгрөг болж, өнгөрсөн оноос 4.8 хувиар өссөн байна гэж аймгийн Статистикийн хэлтсээс мэдээлэв.

-“2021 он гарсаар нийт үйлдвэрлэлээс аж ахуйн нэгжийн үйлдвэрлэл нь гурван тэрбум 363.2 сая төгрөг, иргэдийн үйлдвэрлэл нь 284.7 сая төгрөг болсон байна. Үйлдвэрлэлд цахилгаан, дулаан, усан хангамжийн үйлдвэрлэл 44.8 хувийг, хүнсний үйлдвэрлэл 14.6 хувийг эзэлж байна. Харин хувцас үйлдвэрлэл 11.7 хувь, модон эдлэл үйлдвэрлэл 0.2 хувь, арьс ширэн эдлэл үйлдвэрлэл 1.5 хувийг эзэлж өссөн дүнтэй байна. Мөн өлөн гэдэс үйлдвэрлэл 0.3 хувь, эсгий эдлэл үйлдвэрлэл 1.6 хувь, бусад үйлдвэрлэл 25.3 хувийг тус тус эзэлж байна. Энэ жил арьс ширэн эдлэл өссөн дүнтэй байна. Учир нь сумдад арьс шир боловсруулах жижиг цех, иргэдийг жижиг дунд үйлдвэрлэлийг дэмжиж тоног төхөөрөмжөөр хангах, хөнгөлөлттэй зээлд хамруулах ажил үр дүнгээ өгсөн нь харагдаж байна” гэв.

 

Холбоотой мэдээ