АНУ-ын тамирчин Р.Финке Олимпын алтан медаль хүртлээ

Дэлхийд | Спорт
anudaritsagaan@gmail.com
2021-07-29 10:58:11

ТОКИО. /Xinhua/. АНУ-ын усан сэлэлтийн тамирчин Роберт Финке эрэгтэйчүүдийн 800 метрийн чөлөөт сэлэлтийн төрөлд өнөөдөр Олимпын алтан медаль хүртлээ.


Өдгөө 21 настай залуу тамирчин Р.Финке финалын 50 метрийн өмнөхөн дөнгөж дөрөвдүгээр байрт бичигдэж байсан боловч хурдаа нэмснээр 7 минут 41.87 секундын амжилтаар тус төрөлд түрүүлжээ.


Тэмцээний ихэнх хугацаанд тэргүүлсэн Италийн усан сэлэлтийн тамирчин Грегорио Палтриниеригийн хувьд Р.Финкегээс 0.24 секундын дараа барианд орж, мөнгөн медалийн болзол хангасан байна.


Харин Украины усан сэлэлтийн тамирчин, Европын аварга Михайло Романчук 7 минут 42.33 секундээр удаалж, хүрэл медалийн эзэн болжээ. 

Холбоотой мэдээ