Улаанбаатар
“ОПЕК+” нефтийн олборлолтоо аажмаар нэмэгдүүлэхээр тохиролцлоо
ДЭЛХИЙН МЭДЭЭ | ЭДИЙН ЗАСАГ
ВЕНА. /Xinhua/. Нефть экспортлогч орнуудын байгууллага /ОПЕК/ болон ОХУ тэргүүтэй холбоотнууд /ОПЕК+/ долоодугаар сард тохиролцсончлон нефтийн олборлолтоо үргэлжлүүлэн аажмаар нэмэгдүүлэх тохиролцоонд хүрчээ.
Лхагва гарагт болсон цахим уулзалтын
үеэр “ОПЕК+” өдөрт олборлох нефтийг
сар тутам 400 мянган торхоор нэмэгдүүлэх шийдвэрийг 2022 оны эцэс хүртэл хэрэгжүүлэхээр
шийдвэрлэсэн байна.
Өнгөрсөн сард
Вашингтон эрэлттэй уялдуулан авч үзвэл олборлолтыг одоогийн түвшнээр нэмэгдүүлэх
нь хангалтгүй хэмээн мэдэгдээд, дэлхийн улс орнууд “COVID-19” цар тахлын нөлөөнөөс сэргэхийг эрмэлзэж
байгаатай холбогдуулан олборлолтоо илүү хурдацтай нэмэгдүүлэхийг “ОПЕК”-т уриалсныг
үл харгалзан ийнхүү тохиролцжээ.
“COVID-19” цар
тахлын үр дагаварууд нь тодорхойгүй байдлыг бий болгосон хэвээр байгаа ч эдийн
засгийн сэргэх үйл явц түргэсэж байгаатай холбоотойгоор зах зээлийн үндсэн үзүүлэлтүүд
бэхжиж, Эдийн засгийн хамтын ажиллагаа, хөгжлийн байгууллагын нөөц үргэлжлэн
буурсаар байна” гэж “ОПЕК+”-ын
уулзалтын дараах мэдэгдэлд дурджээ.
Зах зээлд хэт их
хэмжээний нефть нийлүүлэх нь үнийг унагаж болзошгүй бол олборлолтоо хязгаарлах
нь “ОПЕК+”-ын гишүүдийн орлогод нөлөөлнө. Иймд гишүүн орнууд 20 дугаар уулзалтаараа олборлолтын
төлөвлөгөөгөө биелүүлээгүй байгаа орнуудын нөхөх хугацааг энэ оны 12 дугаар
сарын эцсийг дуустал сунгах хэрэгтэй хэмээн үзжээ. Тэдгээр орны хувьд холбогдох төлөвлөгөөгөө есдүгээр сарын 17 гэхэд танилцуулах ёстой байна.
“ОПЕК+” дараагийн уулзалтаа ирэх 10 дугаар
сарын 4-ний өдөр товложээ.
