Улаанбаатар
ЕХ-ны Гадаад хэргийн сайд нар уулзжээ
ДЭЛХИЙН МЭДЭЭ | УЛС ТӨР
НЬЮ-ЙОРК. /CNN/. Европын Холбооны /ЕХ/ Гадаад хэргийн сайд нар АНУ-ын Нью-Йорк хотноо уулзах үеэрээ ОХУ-ын эсрэг шинэ багц хориг арга хэмжээ авах чиглэлд ажиллахаар тохиролцлоо гэж ЕХ-ны Гадаад хэргийн асуудал эрхэлсэн дээд төлөөлөгч Жосеп Боррель лхагва гаргийн орой сэтгүүлчдэд мэдээлжээ.
“Бид Украинд үзүүлэх цэргийн тусламжаа үргэлжлүүлэн нэмэгдүүлж, зэвсгээр үргэлжлүүлэн хангана. Мөн Оросын эсрэг шинэ хориг арга хэмжээний талаар судалж батална” гэж Ж.Боррель АНУ-ын Нью-Йорк хотноо болсон Гадаад хэргийн сайд нарын уулзалтын дараа мэдэгдсэн байна.
“НҮБ-ын дүрэм, олон улсын хууль тогтоомжийн дагуу Украин Оросын түрэмгийллээс өөрийгөө хамгаалах, нутаг дэвсгэртээ бүрэн хяналтаа тогтоох хууль ёсны эрхээ хэрэгжүүлж, олон улсад хүлээн зөвшөөрөгдсөн хилийн хүрээнд эзлэгдсэн газар нутгаа чөлөөлөх эрхтэй. Үүний тулд бид Украины хүчин чармайлтыг дэмжиж, цэргийн техник хэрэгслээр шаардлагынх нь хэрээр үргэлжлүүлэн хангах болно” гэдгийг тэрбээр онцолжээ.
