Гадаадын 99 орны иргэнд цахим виз олгоно

oyundelger@montsame.gov.mn

2023-03-23 15:48:02

Улаанбаатар /МОНЦАМЭ/. Засгийн газраас “2023-2025 оныг “Монголд зочлох жил” болгон зарласантай холбогдуулан цахим виз олгох орнуудын жагсаалтыг шинэчилж, 99 орны иргэнд цахим виз олгохоор боллоо.

Тодруулбал, тухайн орны иргэд нь аялал жуулчлалын “К2”, спорт, соёл урлагийн үйл ажиллагаанд оролцох “К4” ангиллын 30 хүртэл хоногийн виз, дамжин өнгөрөх буюу 10 хоногийн “K6” ангиллын визийг цахимаар мэдүүлэх боломжтой болж байна. Манай улсын цахим виз олгох улсын жагсаалтад Европын улсууд, Австрали, Шинэ Зеланд зэрэг 34 орны иргэдийг визийн шаардлагаас чөлөөлөөд байгаа билээ.

Цахим виз мэдүүлэхдээ https://evisa.mn/ системд хандаж визийн мэдүүлгийг үнэн зөв, бүрэн гүйцэд бөглөж, төлбөрөө төлснөөр виз мэдүүлсэн баримт бичиг хянагдах бөгөөд хүсэлт хянаж зөвшөөрсөн тохиолдолд тухайн иргэний мэдээллийг агуулсан QR код хэлбэртэй цахим визийг тухайн иргэний цахим шуудангаар 48 цагийн дотор илгээх юм. Гадаадын иргэн, харьяатын газар 2021 оны 10 дугаар сараас хойш 9000 гаруй гадаадын иргэнд цахим виз олгожээ.

Гадаадын 99 орны иргэнд цахим виз олгоно

Холбоотой мэдээ

Жендэрт суурилсан хүчирхийлэлтэй тэмцэх 16 хоногийн аяны нээлт боллоо

Улс тунхагласны баяраар амрах боомтууд

Зулын 25-ны өдөр монгол хэлээр ном хурна

Хүүхдийн хөгжлийн асуудлаар хэлэлцэв

Төрийн үйлчилгээг хялбар, цөөн, уялдаатай болгохыг зорьж байна

НҮБ-ын Хүүхдийн сангаас бодлогын зөвлөмж авна

ӨНӨӨДӨР: "Өгөгдлийн интеграц: ХУР & ДАН шийдэл" уулзалт болно

Гэнэтийн аюултай үзэгдэлд бэлэн байх, хүлэмжийн хийг багасгах сорилт тулгарч байна

Монгол, Германы тээврийн салбарын хамтын ажиллагаа идэвхтэй хөгжиж байна

бидэнтэй нэгдэх

Хандалт