Улаанбаатар
Хөөт-Чойбалсан-Бичигт боомтын төмөр замыг Жиньжоу боомттой холбох талаар санал солилцов
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. “Монголын төмөр зам” ТӨХК-ийн Гүйцэтгэх захирал Б.Отгонсүх БНХАУ-ын Жиньжоу боомт группийн Дэд ерөнхийлөгч Цао Чэнь тэргүүтэй төлөөлөгчдийг хүлээн авч уулзав.
Уулзалтын эхэнд Жиньжоу группийн төлөөлөл тус боомтод
Монгол-Хятад-Орос гурван улсыг төдийгүй Евро-Азийг холбосон логистикийн парк
байгуулах төслийн талаар танилцуулж, талууд Бичигт-Зүүнхатавч боомтоос автозам,
төмөр зам, далайн зам хосолсон тээврээр экспортын тээвэр хийх талаар санал
солилцлоо.
БНХАУ-д далайн тээвэр нь төмөр замын тээврээс 8 дахин хямд
өртөгтэй. Жиньжоу нь дэлхийн 100 гаруй улстай усан тээврээр холбогдож, жилд 100
сая тонн ачаа нэвтрүүлэх хүчин чадалтай, олон улсын худалдааны боомт юм.
