Улаанбаатар
СЭЛЭНГЭ: Өнөө шөнө 0-5 градус хүрч цочир хүйтэрнэ
ОРОН НУТГИЙН МЭДЭЭ | СЭЛЭНГЭ
Сүхбаатар,
2024 оны есдүгээр 9 /МОНЦАМЭ/. Өнөө шөнө Сэлэнгэ
аймгийн Ерөө, Орхонтуул, Баруунбүрэн, Зэлтэр, Хүдэр, Бугант, Хушаат сумын нутгаар хөрсөн дээр хасах 0-5
градус хүрч цочир хүйтэрнэ.
9 дүгээр сарын 9-ний 20.00 цагаас 9 дүгээр
сарын 10-ны 20.00 цаг хүртэлх цаг агаарын урьдчилсан мэдээгээр
Сэлэнгэ
аймгийн нутгаар үүлшинэ. Бороо орохгүй. Салхи баруун хойноос секундэд 5-10 метр. Агаарын
температур шөнөдөө +1...+6 градус, өдөртөө +19...+24 градус дулаан байна.
Сүхбаатар хот орчмоор үүлшинэ. Бороо
орохгүй. Салхи баруун хойноос секундэд 5-10 метр. Агаарын температур шөнөдөө
+4...+6 градус, өдөртөө +21...+23 градус дулаан байна.
9 дүгээр сарын 11-15-ныг хүртэлх 5 хоногийн цаг агаарын урьдчилсан мэдээгээр 13, 15-нд ихэнх сумын нутгаар бага зэргийн бороо орно. Бусад хугацаанд бороо орохгүй.
Салхи ихэнх хугацаанд баруунаас секундэд 5-10
метр байна. Агаарын температур шөнөдөө +3...+8 градус, өдөртөө +18...+23 градус
дулаан байна.
