Улаанбаатар
ДАРХАН-УУЛ: Аймгийн ИТХ-д 94 нэр дэвшигч өрсөлдөнө
ОРОН НУТГИЙН МЭДЭЭ | ДАРХАН-УУЛ
Дархан, 2024 оны есдүгээр сарын 24 /МОНЦАМЭ/. Аймаг, нийслэл, сум, дүүргийн ИТХ-ын ээлжит сонгууль аравдугаар сарын 11-ний өдөр болно. Дархан-Уул аймгийн ИТХ-ын сонгуульд 94 нэр дэвшигч 41 мандатын төлөө төлөө өрсөлдөхөөр бүртгүүлжээ.
Харин
сумдын тухайд Хонгор
сумын ИТХ 25 мандаттай бөгөөд 51 нэр дэвшигч, Шарын гол сумын ИТХ-ын 25 мандатын төлөө 51 нэр дэвшигч, Орхон сумын ИТХ-ын 21 мандатын төлөө 42, Дархан сумын ИТХ-ын 29 мандатын төлөө 60 нэр дэвшигч өрсөлдөхөөр
бүртгүүлсэн байна.
Нийт 298 нэр дэвшигч аймаг, сумын ИТХ-ын сонгуульд нэр дэвшихээр бүртгүүлснээс 94 буюу 32 хувь нь эмэгтэй нэр дэвшигч байна.
Нэр дэвшигчид сонгуулийн тухай хуулийн 38 дугаар зүйлийн 38.1-д заасны дагуу есдүгээр сарын 26-ны өдөр үнэмлэхээ авснаар сонгуулийн сурталчилгаагаа албан ёсоор эхлүүлнэ.
Сурталчилгаа 14 хоног үргэлжлэх бөгөөд санал хураалт болохоос нэг өдрийн өмнө буюу аравдугаар сарын 9-ний 23.59 цагаас өмнө сонгуулийн сурталчилгаагаа албан ёсоор зогсооно.
Харин аймаг, нийслэл, сум, дүүрэгт
өөрийг тань төлөөлөх төлөөлөгчийг сонгох санал хураалт аравдугаар сарын 11-ний
өдрийн 7.00-20.00 цагийн хооронд улс орон даяар нэгэн зэрэг
болно.
