Улаанбаатар
СҮХБААТАР: Малын тоо 1.9 саяар цөөрчээ
ОРОН НУТГИЙН МЭДЭЭ | СҮХБААТАР
Баруун-Урт, 2025 оны нэгдүгээр сарын 2 /МОНЦАМЭ/. 2024 оны жилийн эцсийн өрх хүн ам, малын нэгдсэн тооллогын урьдчилсан дүнгээр Сүхбаатар аймаг хоёр сая толгой мал тоолуулжээ. Энэ нь урьд оноос 1.9 сая толгойгоор буюу 48 хувиар буурсан үзүүлэлттэй байна. Үүний 1.8 сая нь зүй бусаар хорогджээ.
Өнгөрсөн өвөл, хаврын цаг агаарын аюулт үзэгдлийн улмаас хонь хамгийн ихээр буюу
нийт 1.1 сая толгой хонь хорогджээ.
Бүх сумын мал таван төрөл дээрээ 9.3-308.5 мянга хүртэлх толгойгоор буурсан байна. 2024 оны мал тооллогоор аймгийн хэмжээнд мал сүргийн тоогоор Эрдэнэцагаан сум тэргүүлж байгаа бол Мөнххаан, Онгон, Баяндэлгэр сум удаалжээ.
Тоолуулсан мал сүргийг таван төрөл дээр авч үзвэл адуу 289.3, үхэр 183.2, тэмээ 5.7, хонь 861.5, ямаа 669.1 мянган толгой байна.
Өрх хүн амын тоо эцэслэж гараагүй байна гэж аймгийн Статитикийн хэлтсээс
мэдээллээ.
