"МанЮ" энэ онд анх удаа талбайдаа хожигджээ
ДЭЛХИЙН МЭДЭЭ | СПОРТ
ЛОНДОН, 2026 оны дөрөвдүгээр сарын 14. /ТАСС/. Английн аварга шалгаруулах тэмцээний 32
дугаар тойргийн тоглолтод “Манчестер Юнайтед” баг өөрийн талбайд буюу “Олд
Траффорд” цэнгэлдэх хүрээлэнд “Лидс” багт хожигджээ.
“Лидс”-ийн хоёр гоолыг 5 ба 29 дэх минутанд Ноа Окафор оруулсан байна.
Талбайн эздээс Каземиро 69 дэх минутанд хариу гоол хийлээ. Тоглолтын 56 дахь
минутанд “МанЮ”-гийн хамгаалагч Лисандро Мартинес талбайгаас хөөгдсөн байна.
Ингэснээр “Манчестер Юнайтед” баг өнгөрсөн оны 11 дүгээр сарын 24-нөөс хойш
анх удаагаа өөрийн талбайд ялагдал хүлээлээ. Тухайн үед “Эвертон” багт 0:1
харьцаагаар хожигджээ.
Одоогийн байдлаар “МанЮ” 55 оноотойгоор тэмцээний хүснэгтийн 3 дугаарт
бичигдэж байгаа бөгөөд дараагийн тойрогт 18-ны өдөр “Челси”-тэй талбайд нь
тоглоно. Харин “Лидс” баг 36 оноотойгоор 15 дугаарт жагсаж байна.
