Улаанбаатар
Орон нутгийн сэтгүүлчид имижээ бүрдүүлэх чадварт суралцав
МОНГОЛЫН МЭДЭЭ | НИЙГЭММонголын сэтгүүлчдийн нэгдсэн эвлэл, “Имако консалтинг” компани хамтран өнөөдөр орон нутгийн сэтгүүлчдэд зориулсан “Сэтгүүлчдийн бүтээмж, сэтгэлгээ, имижилоги” сургалтыг “Чингис” зочид буудалд зохион байгууллаа.
Сургалтад Үндэсний мэдээллийн МОНЦАМЭ агентлагийн орон нутгийн сэтгүүлчид, Монголын сэтгүүлчдийн нэгдсэн эвлэлийн орон нутаг дахь салбарын дарга нар оролцож хувь хүний биеэ авч явах соёлоос эхлээд сэтгүүлч хүнд байх ёстой ур чадвар, мэдлэг мэдээллийн талаар номын дуу сонсов.
Сургалтын чиглүүлэгч багш, "Имако консалтинг" компанийн захирал Р.Лхагвадулам, "Сургалтад хамрагдаж буй сэтгүүлчид харагдах байдлаасаа эхлээд мэдээллээ олж авч, боловсруулж байгаа байдал нь төвийн сурвалжлагчдаас ялгарах зүйлгүй байлаа. Бүгд л хурдтай, чадвартай, асуудалд ул суурьтай хандаж байсан" хэмээн дүгнэж хэлсэн. Харин оролцогчид бүх хүнээ жигд хамруулсан, зохион байгуулалтын сонирхолтой хэлбэрийг сонгосон, цаг үеэ олсон өгөөжтэй сургалт боллоо хэмээв.
Р.Хишигжаргал
Холбоотой мэдээ
