Улаанбаатар
Шивээ-Овоогийн ордод төслийн нэгж байгуулах асуудлыг хэлэлцэнэ
МОНГОЛЫН МЭДЭЭЗасгийн газрын ээлжит хуралдаан өнөөдөр 16.00 цагт Засгийн газрын хуралдааны танхимд болно.
“Үндэсний зөвлөлийн дүрэм, бүрэлдэхүүн батлах тухай” Засгийн газрын тогтоолын төсөл, УИХ-ын гишүүн Р.Гончигдорж нарын санаачлан боловсруулсан Ахмад настны нийгмийн хамгааллын тухай хуульд өөрчлөлт оруулах тухай хуулийн төсөлд Засгийн газраас өгөх санал, дүгнэлтийн тухай, Монгол, Чехийн Засгийн газар хоорондын комиссын хуралдааны тухай, Төмөр замын суурь бүтэц барих тусгай зөвшөөрөл олгох тухай, Стратегийн ач холбогдол бүхий Шивээ-Овоогийн нүүрсний ордыг түшиглэн эрчим хүчний цогцолбор төслийг хэрэгжүүлэх төслийн нэгж байгуулах тухай зэрэг нийт 9 асуудал хэлэлцэх аж. Мөн зарим сайд нарын албан томилолттой холбоотой асуудлыг холбогдох сайд нар танилцуулах юм.
Б.Туул
