Улаанбаатар
"Хөх баавгайн домог"-т Улаан-Уул сумын авьяастнууд тэргүүллээ
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/ Хөвсгөл аймгийн олон ястны онцлог бүхий соёлын биет бус өвүүдийг сэргээх, сурталчлах, түгээн дэлгэрүүлэх, хойч үедээ өвлүүлэх зорилготой аймгийн ардын язгуур урлагийн "Хөх баавгайн домог" наадмыг анх удаа Хатгал тосгонд зохион байгууллаа.
Наадамд 18 сумын 160 орчим авъяастнууд оролцож өөрийн орон нутаг, ястан угсаатны онцлог хэв шинжийг агуулсан соёлын биет бус өвийн төрөл зүйлүүдээр өрсөлдсөнөөс Улаан-Уул сумын авьяастнууд Гранпри шагнал буюу "Хөх баавгайн дүрс" бүхий баримал цом, нэг сая төгрөгөөр УИХ-ын гишүүн Л.Мөнхбаатар ивээн тэтгэн шагналаа.
Наадмын тэргүүн байр Чандмань-Өндөр сум, дэд байрыг Цагаанннуур сум, гуравдугаар байрыг Рэнчинлхүмбэ сумын багууд тус тус эзэлжээ. Хөвсгөл аймаг дархад, урианхай, цаатан, халх, хотгойд, буриад гэсэн олон ястны өлгий нутаг бөгөөд биет бус өв бүртгүүлсэн өвлөн уламжлагчаараа улсдаа тэргүүлдэг байна. Гэвч өвлөгдөөгүй байгаа олон биет бус өвийг түгээн дэлгэрүүлэхийг зорьж байгаа урлагийн наадмын үеэр тухайн ястны хэл яриа, дуу дуудлага ая дангийн онцлогийг уран яруу илэрхийлэх байдлыг дууны төрөл дээр онцлон гаргах, тухайн ястны ардын онцлог шинжийг харуулсан хөөмий, ерөөл магтаалыг тайзнаа хэрхэн найруулж тоглон үзүүлэх зэргийг онцгойлон шалгаруулж Монгол Улсын Ерөнхийлөгчийн ивээл дор ирэх 8 сард зохион байгуулагдах Бүх ард түмний наадамд оролцох авьяастнуудаа тодруулсан ажээ.
Наадамд 18 сумын 160 орчим авъяастнууд оролцож өөрийн орон нутаг, ястан угсаатны онцлог хэв шинжийг агуулсан соёлын биет бус өвийн төрөл зүйлүүдээр өрсөлдсөнөөс Улаан-Уул сумын авьяастнууд Гранпри шагнал буюу "Хөх баавгайн дүрс" бүхий баримал цом, нэг сая төгрөгөөр УИХ-ын гишүүн Л.Мөнхбаатар ивээн тэтгэн шагналаа.
Наадмын тэргүүн байр Чандмань-Өндөр сум, дэд байрыг Цагаанннуур сум, гуравдугаар байрыг Рэнчинлхүмбэ сумын багууд тус тус эзэлжээ. Хөвсгөл аймаг дархад, урианхай, цаатан, халх, хотгойд, буриад гэсэн олон ястны өлгий нутаг бөгөөд биет бус өв бүртгүүлсэн өвлөн уламжлагчаараа улсдаа тэргүүлдэг байна. Гэвч өвлөгдөөгүй байгаа олон биет бус өвийг түгээн дэлгэрүүлэхийг зорьж байгаа урлагийн наадмын үеэр тухайн ястны хэл яриа, дуу дуудлага ая дангийн онцлогийг уран яруу илэрхийлэх байдлыг дууны төрөл дээр онцлон гаргах, тухайн ястны ардын онцлог шинжийг харуулсан хөөмий, ерөөл магтаалыг тайзнаа хэрхэн найруулж тоглон үзүүлэх зэргийг онцгойлон шалгаруулж Монгол Улсын Ерөнхийлөгчийн ивээл дор ирэх 8 сард зохион байгуулагдах Бүх ард түмний наадамд оролцох авьяастнуудаа тодруулсан ажээ.
Б.Гантуяа
