Хэт халалт худалдааны төвүүдэд эерэгээр нөлөөлж байна

ДЭЛХИЙН МЭДЭЭ | НИЙГЭМ
nyamtulga@montsame.gov.mn
2018-08-01 16:11:13
twitter.com/Nyamkanmk
СӨҮЛ. /Yonhap/. Хэт халалтын үеэр иргэд сэрүүцэхийн тулд хүйтэн агааржуулагчтай худалдааны төвөөр зочлох нь их байна. Энэ нь жижиглэн худалдаа эрхлэгчдийн борлуулалтад сайнаар нөлөөлж байна гэж Өмнөд Солонгосын аж үйлдвэрийн салбарын төлөөлөгч мэдэгдлээ.

Сөүл хотын зүүн хэсэгт орших “Lotte World” худалдааны төвд өнгөрсөн ням гарагт 4.22 сая хүн зочилсон нь өмнөх сарын мөн өдрийнхөөс 14 хувиар өссөн үзүүлэлт юм гэж тус худалдааны төв мэдээлжээ. Үүний зэрэгцээ тус худалдааны төвийн долдугаар сарын борлуулалт өмнөх сараас 12 хувиар өссөн байна.

Харин Ханам хотын “Shinsegae” их дэлгүүрт өнгөрсөн сарын амралтын өдрүүдээр өдөрт дунджаар 100-110 мянган хүн зочилжээ. Энэ нь ердийн дунджаас 10-20 хувиар өссөн үзүүлэлт ажээ. Мөн тус их дэлгүүрийн долдугаар сарын 16-30-ны өдрийн орлого өмнөх сарын мөн үеийнхээс 11 хувиар өсчээ.

Мягмар гарагт Сөүл хотод Цельсийн 38.3 хэм хүрч халсан бөгөөд энэ нь өмнө тохиож байгаагүйгээр хамгийн дээд цэгтээ хүрч халсан хоёр дахь тохиолдол болжээ. Ирэх өдрүүдэд Сөүл хотод Цельсийн 38.3 хэм хүрч халах төлөвтэй байна гэж хотын цаг уурын хүрээлэн мэдээлэв.
 
Д.Нямтулга
Холбоотой мэдээ