Улаанбаатар
Сургалтын төлбөр төлөхгүйгээр суралцана
ОРОН НУТГИЙН МЭДЭЭ | СЭЛЭНГЭСургалтын өндөр төлбөр төлж дөрвөөс таван жил суралцаад их сургуулийн диплом өвөртөлсөн дээд мэргэжилтэй иргэд ажилгүйчүүдийн эгнээг зузаатгаж байна. Тэгвэл дөрвөн жил суралцаад ажлын байргүй яанаа гэх зовлонгүй ажилтай болох боломжийг Сэлэнгэ аймагт үйл ажиллагаагаа явуулж байгаа Мэргэжил сургалт үйлдвэрлэлийн төвүүд олгож байгаа ажээ.
Тус аймгийн төв Сүхбаатар хот, Шаамар сумдад буй МСҮТ-үүдэд сурахын зэрэгцээ өндөр цалин авах боломжтой юм байна. Тус сургуулиудын ойжуулалтын ангид герман улсаас төсөл хэрэгжиж байгаа бөгөөд ойн санг гэрээгээр эзэмшиж байгаа иргэд нэг жилийн хугацаатай суралцаад мэргэжлийн үнэмлэхтэй болох ажээ. Мөн бусад иргэдийн хувьд 24-өөс доош насны хүн 70,000 төгрөгний тэтгэлэг авах, 24-өөс дээш насны иргэд байр, хоол, сургалтын төлбөр төлөхгүйгээр суралцах эрхтэй гэнэ. Түүнчлэн тус сургууль нь нас харгалзахгүйгээр сурч нарийн мэргэжил эзэмшиж болох онцлогтой ажээ.
Сэлэнгэ аймаг.Ч.Отгонцэцэг
Сэтгэгдлүүд