Өмнөд Солонгосын Ерөнхийлөгч есдүгээр сарын 24-нд Трамптай уулзана

ДЭЛХИЙН МЭДЭЭ | УЛС ТӨР
Jargal.d@montsame.mn
2018-09-19 17:19:43

СӨҮЛ./РИА Новости/. Өмнөд Солонгосын Ерөнхийлөгч Мүн Жэ Ин есдүгээр 24-нд АНУ-ын Ерөнхийлөгч Дональд Трамптай тус улсын Нью-Йорк хотод уулзахаар төлөвлөж байна. Энэ тухай Өмнөд Солонгосын Ерөнхийлөгчийн тамгын газрын төлөөлөгч мэдээлжээ.

 

“Өмнөд Солонгос болон АНУ-ын удирдагчдын уулзалт есдүгээр сарын 24-нд болно” гэж тэрбээр хэлсэн байна. Мүн Жэ Ин Америкийн Нью-Йорк хотод болж буй НҮБ-ын Ерөнхий Ассамблейн чуулганд оролцох үеэрээ Дональд Трамптай уулзаж, БНАСАУ-ын нийслэл Пхеньян хотод болсон Солонгос хоорондын дээд хэмжээний уулзалтын үр дүнгийн талаар хэлэлцэх аж.

Д.Жаргал

Холбоотой мэдээ