Дэгү Их сургууль төлөөлөгчийн газраа Дорнодод нээв

Орон нутагт | Дорнод
167@montsame.mn
2018-10-10 10:03:14

Дорнод /МОНЦАМЭ/. Солонгосын Дэгү Их сургууль Дорнод аймагт төлөөлөгчийн газраа нээлээ. Тус сургууль нь БНСУ-ын хэм­жээнд нийгмийн ха­ламжийн чиглэлээр болон тусгай боловс­рол олгодгоороо онцлог аж. Гаднын улсын сургуулийн төлөөлөгчийн газар нээгдсэнээр тус аймгийн хүүхэд залуус Солонгос улсын их дээд сургуультай шууд харилцах боломж бүрдэж байгаа юм.

“Дэгү” их сургууль хөгжлийн бэрхшээлтэй хүүхдүүдийн суралцуулах тал дээр голчлон анхаардаг учир манай улсаас ч хөгжлийн бэрхшээлтэй залуус суралцаж эхэлжээ.

Дашрамд сонирхуулахад, Дорнод аймгийн боловсролын салбарт жил бүр АНУ-ын Энхтайвны корпус, БНСУ-ын Койка, Японы Жайка, БНХАУ-ын Күнзийн институт зэрэг гаднын сайн дурын ажилтнууд, багш нар олноор ажиллаж, цэцэрлэг, сургуулийн хүний нөөцийн чадавхийг дээшлүүлэхэд хамтарч байна.

Д.Дэлгэрмаа

Холбоотой мэдээ