Улаанбаатар
Эмнэлгүүд амралтын өдрүүдэд ажиллана
МОНГОЛЫН МЭДЭЭ | ЭРҮҮЛ МЭНДУлаанбаатар /МОНЦАМЭ/. Ойрын өдрүүдэд томуу, томуу төст өвчний тохиолдол нэмэгдэж байгаатай холбогдуулан энэ амралтын өдрүүдэд эмнэлгүүд ажиллахаар болсныг НЭМГ-аас мэдээлэв.
Тухайлбал, дүүргийн эрүүл мэндийн төвүүд болон салбар амбулаториудын хүүхдийн кабинет энэ бямба, ням гарагт 10.00-19.00 цаг хүртэл ажиллах юм. Мөн хүүхдийн мэргэжлийн эмч нар иргэдэд утсаар зөвлөгөө өгч байгаа аж.
Нийслэлийн нэгдсэн эмнэлэг, эрүүл мэндийн төвийн 2239 орон
дээр 2272 хүн хэвтэн эмчлүүлж, нийт орны ачаалал 1.5 хувь, хүүхдийн орны
ачаалал 42 хувиар тус тус нэмэгджээ. Хэвтэн эмчлүүлж буй хүүхдийн 90.4 хувийг
амьсгалын замын өвчтэй хүүхэд эзэлж байна. Хүлээн авах, яаралтай тусламжийн
тасагт 1019 хүүхэд ирж үйлчлүүлж, 234 тохиолдол буюу 35.1 хувь нь хэвтэн эмчлүүлсэн
байна. Дүүргийн нэгдсэн эмнэлэг, эрүүл мэндийн төвийн “Хүүхдийн кабинет”-аар
234 хүүхэд үйлчлүүлсэн бол, зөвлөх утсанд 82 хүн ханджээ.
