Дундговь аймгийн нутгаар 18 м/с хурдтай шороон шуурга шуурч байна
ОРОН НУТГИЙН МЭДЭЭ | ДУНДГОВЬДундговь /МОНЦАМЭ/. Өнөөдөр үдээс хойш Дундговь аймгийн нутгаар
тавьж эхэлсэн шороон шуурга тус аймгийн Адаацаг, Эрдэнэдалай, Дэлгэрцогт, Дэрэн,
Цагаандэлгэр, Говь-Угтаал, Сайнцагаан
сумдыг хамарч байна.
Аймгийн УЦУОШГ-аас 19-ний оройноос тус
аймгийн нутгийн хойд хэсгээр салхи баруун өмнөөс баруун хойш эргэж, секундэд
14-16 метр, бусад сумаар 9-14 метр хүрч, шороон шуурга шуурахыг өчигдөр
онцгойлон анхааруулж байсан.
Салхины хэмжээ одоогийн байдлаар
Мандалговь хотод 17м/с,
Цагаандэлгэрт 16 м/с,
Говь-Угтаалд 18 м/с хурдтай
байгаа бөгөөд Адаацаг, Эрдэнэдалай суманд салхины хүч буурч, шуурга арилж
байгаа тухай аймгийн УЦУОШГ-аас мэдээлж байна.
Энэхүү шороон шуурга нь нөөлөг
ихтэй, түргэн явцтай байгаа учраас өнөөдөр орой 22, 23 цагийн орчимд намдах
төлөвтэй байгаа ажээ.