Судлаач оюутнууд батламжаа гардав

Монголын мэдээ | Боловсрол
bolor@montsame.mn
2019-05-18 13:21:21

Улаанбаатар /МОНЦАМЭ/. “Судлаач оюутан” тэтгэлэгт хөтөлбөрийг амжилттай дүүргэсэн 20 оюутанд батламж гардууллаа.


Багшийн мэргэжил дээшлүүлэх институт /БМДИ/-ээс багш болон нийгмийн ажилтан бэлтгэдэг их, дээд сургуулиудын оюутнуудын дунд зарласан “Судлаач оюутан” тэтгэлэгт хөтөлбөрийг 3 сарын турш амжилттай хэрэгжүүлсэн байна.

Тус тэтгэлэгт хөтөлбөрт МУБИС, ШУТИС, ХСИС-ийн 33 оюутан шалгарснаас 20 оюутан 72 цагийн сургалт-дадлага ажлууддаа бүрэн хамрагдаж, хөтөлбөрөө амжилттай дүүргэсэн юм.

БМДИ-ийн захирал Ж.Болормаа  хөтөлбөрт амжилттай хамрагдсан оюутнуудад батламж гардуулахдаа мэдлэгтэй, чадвартай, ёс зүйтэй багш болохыг захиж, баяр хүргэв.

Холбоотой мэдээ