МАН МАХН сонгуульд эвсэх асуудлаар үргэлжлүүлэн хэлэлцэнэ
МОНГОЛЫН МЭДЭЭ | УЛС ТӨРМАН-ын Бага хурлын IV хуралдаан өнөөдөр 11.00 цагаас үргэлжлэн Тусгаар тогтнолын ордонд хуралдана.
Энэ удаагийн Бага хурлаар тус намын УИХ-ын сонгуульд оролцох мөрийн хөтөлбөрийг эцэслэн батлах, МАХН-тай сонгуульд хамтарч орох эсэх асуудлыг хэлэлцэж буй.
Өчигдрийн хуралдаанаар МАН-ын дарга М.Энхболдын илтгэл сонссон. Мөн УИХ-ын гишүүн Х.Болорчулуун, Ц.Даваасүрэн нар тус намд элсч, Бага хурлын гишүүн болсон юм. Үүний дараа Ц.Даваасүрэн гишүүнийг Удирдах зөвлөлд нэр дэвшүүлсэн ч хурал оройтсон учир санал хураалт явуулалгүй, хуралдаан өндөрлөсөн байна. Түүнчлэн МАХН-тэй эвсэх эсэх асуудлыг хэлэлцэж амжаагүй аж.
Тиймээс хоёр нам сонгуульд эвсэх асуудлыг өнөөдөр үргэлжлүүлэн хэлэлцэх гэнэ.
Б.Туул